《反轉三周12》涉偷橋 黎耀祥：天下文章一大抄
(2012年08月09日)

鄭則仕(Ken哥)、黎耀祥(祥仔)、唐詩詠、周家蔚、黎諾懿等昨日，於荃灣愉景新城為劇集《造王者》宣傳造勢。提到有份演出的《反轉三周1\2》被指抄襲外地綜藝節目，祥仔對此不以為然，更說：「天下文章一大抄」。 對於近日無綫為撼奧運，特別安排深夜重播數年前的大作《巾幗梟雄》，祥仔直言也有留意，知道反應不錯。他說：「反應好當然高興啦，不過就冇留意收視！你知啦，我一向淡薄名利！」對於TVB所有演員都有份演出的《反轉三周1\2》，被指抄襲外地綜藝節目，祥仔強調，這類節目的環節，很難不相似，並笑說：「全世界有咁多綜藝節目，天下文章一大抄，TVB只係想製作迎合本地市場、有本土化特色嘅節目。」但記者說，對於劇集造型、道具也幾乎一模一樣，祥仔直指觀眾開心已經足夠，自覺參考他人的優點才能有進步，祥仔解釋：「始終外國層面比較闊！香港只係一個地區！」   周家蔚「八到」佘詩曼冇男朋友 周家蔚穿上古裝亦難掩孕味，昨日所見，肚子明顯脹大不少，她指丈夫洪天明近日在佛山工作，因此難以在身旁照料她，家蔚又表示，前晚與文頌嫻、鍾麗琪等好姊妹到訪佘詩曼(阿佘)家中飯聚，她說：「今次阿佘媽媽下廚，我哋食咗唔少名菜！」談到她們一班好姊妹剩下阿佘未婚，問到阿佘見她們個個有家庭，可有為此心郁郁，家蔚說：「我唔知佢，雖然我哋好八，不過仲未八到佢有冇男朋友！」提到可會幫當紅娘，介紹靚仔給好友，家蔚相信識男朋友要靠自己，她說：「我幫佢搵就好尷尬，好多時都要睇眼緣！好似我同天明咁！」